الغول : عينة من نواب المجلس محسوبيه او فلوس

الغول هل يصلح بذاته بعيدا عن موضوع مذبحة نجع حمادى لمجلس الشعب . يقعد ويتربع ويناقش ويقول لدى يا مسيحيه ويقول لدى يا ام عنين عسلي !!!!
تعالوا بهدوء نقراء ما بين السطور من خلال لقاءاته بالحورات امام وائل الابراشى وعمرو اديب ،،،
اولا ....
جاهل بالتاريخ : تصور الغول بيه - فى باب اسناده على لسان البابا شنوده انه لا يوجد اضطهاد فى مصر امام وائل الابراشى واما عمرو اديب - ان البابا شنوده تقابل فى يوم من الايام مع الموساد . وطبعا دا فى الاحلام واكيد الجهاز الامنى المصرى يعلم تماما عما اذا كان قداسة البابا قابل الموساد ولا جهاز المخابرات الامريكيه . وكان ينقصه للاستيثاق ان يقول لنا مكان وزمان ومناسبة تلك المقابله الخطيره .
جاهل بالمناسبات الرسميه والدينيه : البيه الغول فى مقام مقابلته امام وائل الابراشى وفى اكثر من مناسبه يصف ما تم فى احداث نجع حمادى انه تم فى مناسبة عيد القيامه الخاص بالاقباط . فى عضو مجلس شعب محترم وله اقل قدر من المعرفه ميعرفش يفرق بين اعياد اكبر نسبه للمواطنيين عنده فى بلده ويخلط بين مناسبتهم بهذا الخلط الفاحش اقل الناس مستوى فى الادراك يعلمون ان عيد يناير وفى اجازه وسميه للبلاد هو عيد الميلاد المجيد وليس عيد القيامه ..يا دى الخيابه يا سرور بيه رئيس نواب مجلس الشعب . نوابكم عايزين نراجع معاهم من الابتدائيه معلومات عاديه جدا .

جاهل عربى : بدلا من ان يقول فتنه طائفيه بيقول فتنه وطنيه . وكلام كتير من هذه الشاكله لا يعد ولا يحصى ... ودوه يتعلم كى جى ون

جاهل فى الرد السياسى : عندما سأله الاستاذ مايكل منير وهو احد نشاطاء اقباط المهجر عما اذا كان عمل توكيل للكمونى فى انتخابات الدوره السابقه لعضوية مجلس الشعب نراه يتخبط بعنف حتى يقتنع المذيع وائل الابراشى ان هناك توكيل صادر منه للمجرم حمام الكمونى ولا يشترط ان يكون الان بحوزة السائل . ولازم نراجع مواقف الحج الغول فى موضوع حمامه الكمونى دا . الاول قال معرفوش ولا يلزمنى ان اعرفه وانا ليى عصبتى وقبليتى واحبابى والكلام الاذعر الخيبان ومعرفش فين كانت عزوته وخيبته التقيله يوم ما سقط فى 2005 فى الانتخابات . ولما نشرت الاهرام صوره مع الكمونى وطبعا الاهرام اخدت الصور من مواطنيين من نجع حمادى اكدوا بالطبع معرفه ما وثيقه بين الغول والكمونى . اساسها مصالح مشتركه خاصه جدا بدليل ان الصور دى ما اظنش كانت مع احد من المسيحيين الغلابه هناك بل اكيد كانت مع حبايب الحج الغول هناك من الاخوه المسلمين . طلع علينا برد اغبى منه قال انه كان حاضر مع الكمونى متش كوره دوره رمضانيه . طيب دا كلام يدخل دماغ . الصوره عندكم ياساده فيها استاد ولا لاعيبه ولا حتى جول فاضى . الصوره بتنطق انها فى مكان تانى مفهاش غيرهم همه الاتنين القاتل والمأجور . ونسى الحج الكمونى اما قال انه ميعرفوش فى الاول ان حمام الكمونى لعيب كوره مخضرم !!!
بلا ها دى كمان نروح لموضوع التوكيل . مره قال انه محصلش ابدا ومره قال انه مش فاكر ومره قال ان قرايبه همه اللى بيعملوا التوكيلات من غيره علمه وعلشان نفرق توقيتات القول نلاحظ عبقريته مايكل منير فعندما اوهمه ان التوكيل معه قال مش فاكر ولما فهم ان التوكيل مش موجود صورته ان مع مايكل فى الاستديوا قال محصلش ولما ناقشه وائل الابراشى فى انه يعتقد شخصيا بوجود التوكيل قال ان قرايبه همه اللى عملوه .
ولازم نفهم يعنى ايه توكيل انتخابات . المرشح علشان مبيقدرش يلف على كل لجان الانتخابات يوم الانتخابات بنفسه فى لحظة واحده بيختار اناس يثق فيهم ويروح الشهر العقارى ويقدملهم كشف بهذه الاسامى ويمضى واظن ان الغول يومها بصم بايديه ورجليه . بيتراوح عدد التوكيلات من بين عشره وعشريين توكيل . فكون ان الحج الغول مكنش يعرف لآ . يعرف لانه راح . وكون ان قرايبه همه اللى اختاروا اكيد بس بموافقته ومباركته بعد خيابته فى الدوره السابقه فى 2005 . وكون انه مفيش توكيل اصلا نقوله لآ لآ لآ العب غيرها لان الناس اللى قالت لمايكل - لانه مش معقول ان مايكل راح الشهر العقارى فى نجع حمادى وسألهم وهم اجبوه بالايجاب . لانهم لو فعلوا لا عطوه صوره منه او على الاقل رقمه .
لكن لان التوكيل بيكون مع الكمونى وبيلف بيه قدام الناس كلها واكيد قال لكل الللى حوليه وشلة البلطجيه قبل وبعد الانتخابات فموضوعه معروف بين كل الناس ودا اللى عرف واحد زى مايكل مش قاعد فى نجع حمادى . ودا اللى يأكد انه الحج الغول عمل توكيل للكمونى للانتخابات . كل انتخابات مصر بتجرى بالطريقه عينها . يجى المرشح - حزب وطنى ومهزوز يجيب كام بلطجى يقفله الصناديق . وتبقى مقاوله وشيله على بعضيها من يوم اللف على الناخبيين لغاية ما بعد النتيجه بيوم ولا اتنيين . لو نجح المرشح يطلع عنيين خصومه ومنافسيه وذويهم يضرب نار ويزفوه ويزمروله ويرقصوله بلدى وبالمطاوى والاسلحه الاليه . ولو سقط ضرورى وجودهم علشان يأمنوه من خصومه والذى منه .
نرجع للكمونى كان يقدر يلف من غير توكيل يقدر بس مكنش يقدر يدخل اللجنه ويراقب موضوع ان الناخب يضع امام عينه ورقة الانتخابات فى الصندق وفيها القاتل الحج عبد الرحيم الغول .
جاهل فى المنطق : رغم ان قرر ان نجع حمادى متخصش دايرته لوحده وفيها نواب غيره . قرر ان عمل 7 ندوات بعد موضوع فرشوط ، وقابل اهلية البنت اللى تدعى اهليتها اغتصاب ولد اسم جرجس ليها . وقال انه راح المطرانيه بعد مضوع المذبحه .
واثبت بطريقة رده على مايكل منير انه قال ما قاله للانبا كيرلس موضوع نتف الدقن لما قال لمايكل اخرس وقال انه مش من حق مايكل ان يحضر الحلقات . وبهذا اصبح رجلا بل منطق فى الوصول الى طرح المعلومه الصحيحيه
متطرف ولا يستطيع ان يخفى ذلك : ولن نتذكر ما قاله للنائبه المسيحيه التى طرحت مشروع قانون احوال شخصيه وقال لها يامسيحيه . ولكننا سنتذكر انه لا يهتم باعياد ابناء دائرته المسيحيه ولا يعلم عيدهم ميلاد ولا قيامه وزلا يعيد عليهم بدليل عدم حضوره قداس عيد الميلاد . ولما طلب باعدام جرجس المتهم باغتصاب فتاة فرشوط من قبل الحكم عليه وان تبرئته فتنه بحد ذاته وتناسى انه بقوله هذا حجب عن جرجس البراءه . لانه ان لم يعدم لقتله مسلمى فرشوط . وعندما قرر ان ما حدث هو انتفاضة حراميه , نسى ان يقول انهم حاميه مسلمين لان كل المحلات المسيحيه التى نهبت - نهبت من مسلمين .ولكنه تناسى هذا . وقوله الصريح ان حادثة الاغتصاب ليست هى سبب المذبحه يؤكد على تطرفه لانه بهذا يعلن ان القتل كان على الهويه المسيحيه . وقوله بانه سينتف ذقن الانبا كيرلس وعدم استطاعته الجزم بعدم حصول ذلك يؤكد حصولها . وسبه لمايكل واقباط المهجر وادعاء لقاء البابا بالموساد يؤكد انه يرسب المعلومات الطائفيه سواء كان ذلك عن جهل او عن تعمد . وادعائه بان هناك عشرين حالة تسمم من سبب بيع الخمور لان المسيحيين هم يبيعوها والانبا كيرلس حرمها باية من الانجيل . متناسيا عن قصد رذيلة المسلمين بشرب تلك الخمور هو عين التطرف فهو يرى مساوىء المخالفين له فى العقيده دون ان يرى مساوىء اهل عقيدته وبنى جلدته .
لهذه الاسباب وغيرها نرى ان السيد عبد الرحيم الغول لا يصلح نائبا عن ابناء دائرته ولو اختاروه باجماع الاراء . لانهم حقا لو اختاروه . ليحق لنا ان نحجر على عقولهم المريضه ان تختار رجلا اقل من ان يقال عنه انه جاهل بل يغوص من اغمص قدمه الى اعلى هامته فى الجهل المغموس فى التطرف .
رحمة بالناس يا حزب ياوطنى خلصنا من الاشكال الجاهله التى ملئت المجلس بالمحسوبيه وبالفلوس